10th tamil - important 3 mark questions - iyal 7

 

10TH STANDARD 3 MARKS QUESTIONS & ANSWERS - பத்தாம் வகுப்பு - 3 மதிப்பெண் வினாக்கள் - சிறுவினா | katrathukalvi-samacheerkalvi guide

சிறுவினா

இயல் -7       பக்க எண் : 179

1. '  முதல் மழை விழுந்ததும் '  என்னவெல்லாம் நிகழ்வதாக கு .ப.   ராஜகோபாலன் கவிபாடுகிறார் ?

1. முதல் மழை விழுந்ததும்  மேல் மண் பதமாகிவிட்டது .
2.  வெள்ளி முளைத்திடுது ;  காளைகளை ஓட்டி விரைவாகச் சென்று  பொன்னேரிலே மாட்டைப் பூட்டி , காட்டைக் கீறுவோம் .
3. ஏர் புதிதல்ல ; ஏறும் நுகத்தடி கண்டது ;  காடு புதிதன்று ;  கரையும் பிடித்தது தான் ;  கை , கார் புதிதாய் இல்லை ; நாள் தான் புதிது ; நட்சத்திரம் புதிது .ஊக்கம் புதிது , உரம் புதிது .
4. மாட்டைத் தூண்டி , கொழுவை அமுத்தி மண் புரள , மழை பொழியும் .
5. நிலம் சிலிர்க்கும் ; நாற்று நிமிரும் ;  எல்லை தெய்வம் எல்லாம் காக்கும்;  கவலை இல்லை ;  நல்ல வேளையில்  உழவுத் தொழில்  செய்வோம்  என கு.ப.ராஜகோபாலன் கவிபாடுகிறார் .


2.  அவந்தி நாட்டு மன்னன்,  மருத நாட்டு மன்னனுடன் போர்புரிந்து அந்நாட்டைக்  கைப்பற்ற நினைக்கிறான் ;  அப்போர் நிகழ்வைப் புறப்பொருள் வெண்பாமாலை கூறும் இலக்கணத்தின் வழி விளக்குக .


1 . " வஞ்சித் திணை "  இந்நிகழ்வுக்குப் பொருத்தமான திணை  ஆகும் .

2.  வஞ்சித் திணை :
      மண்ணாசை காரணமாக பகைவர் நாட்டைக் கைப்பற்ற ,  வஞ்சிப் பூவைச் சூடி போருக்குச் செல்வது வஞ்சித்திணை ஆகும் .

3 . விளக்கம் :
  அவந்தி நாட்டு மன்னன் ,  மருத நாட்டு மன்னனுடன்  போர்புரிந்து  நாட்டை கைப்பற்ற நினைத்து ,  அவந்தி நாட்டு படைவீரர்கள் வஞ்சிப் பூவைச் சூடி  போருக்குச் செல்வது "வஞ்சித் திணை " ஆகும் .

3." தலையைக்  கொடுத்தேனும் தலைநகரைக் காப்போம் "  இடம் சுட்டிப் பொருள் விளக்குக .


இடம் : 
         " சிற்றகல் ஒளி "  என்னும்  மா . பொ. சிவஞானத்தின் 'எனது போராட்டம் ' தன்வரலாற்று நூலில் இருந்து இக்கட்டுரை வழங்கப்பட்டுள்ளது .

 பொருள் : 
      ஆந்திர மாநிலம் பிரியும்போது சென்னை தான் அதன் தலைநகரமாக இருக்க வேண்டும் என்று  அதன் தலைவர்கள் கருதினர் . அதனை எதிர்த்து மாநகராட்சி சிறப்புக் கூட்டம்  செங்கல்வராயன் தலைமையில் கூட்டி ,  சென்னை பற்றிய தீர்மானத்தை முன்மொழிந்து ,  ம .பொ.சி .  முழங்கிய முழக்கமாகும் .
விளக்கம் :  
        சென்னை மாகாணத்திலிருந்து   ஆந்திர மாநிலம் பிரியும்போது  ,  சென்னை தான் அதன் தலைநகராக இருக்க வேண்டுமென ஆந்திர தலைவர்கள் கருதினர் . இதனை எதிர்த்து மாநகராட்சி  சிறப்பு கூட்டம் ஒன்றை  செங்கல்வராயன் தலைமையில் கூட்டி , "  தலையைக் கொடுத்தேனும்  தலைநகரைக் காப்போம் "  என்ற முழக்கத்தை ம. பொ .சி .  முன்மொழிந்தார் . அதன்படி  25.03 .1953  நாடாளுமன்றத்தில் பிரதமர் நேரு " சென்னை தமிழருக்கே "   என்ற உறுதிமொழியை வெளியிட்டார் .

4. "  பகர்வனர் திரிதரு நகர வீதியும் :
     பட்டினும் மயிரினும் பருத்தி நூலினும்
    கட்டு நுண்வினைக் காருகர் இருக்கையும் :
    தூசும் துகிரும் ஆரமும் அகிலும் "
அ)  இவ்வடிகள் இடம் பெற்றுள்ள நூல் எது ?
ஆ)  பாடலில் அமைந்த மோனையை எடுத்து எழுதுக .
இ) எதுகைச் சொற்களை அடிக்கோடிடுக.
ஈ)  காருகர் -  பொருள் தருக .
உ)  இப்பாடலில் காணப்படும் நறுமணப் பொருள்கள் யாவை ?

விடை :
அ)  சிலப்பதிகாரம்
ஆ) பகர்வனர் , பட்டினும்
        பட்டினம் ,  பருத்தி
இ)  பகர்வனர், நகர வீதியும்
       பட்டினம் , கூட்டு நுண்வினை
ஈ) நெய்பவர்
உ) சந்தனமும் அகிலும்

5. பின்வரும் பத்தியைப் படித்து மையக்கருத்தை எழுதுக .
  
    பேரரசனது  மெய்ப்புகழை எடுத்துக் கூறுவது மெய்க்கீர்த்தி . பொதுவாக இது சோழ மன்னருடைய சாசனங்களின் தொடக்கத்தில் அரசனுடைய  இத்தனையாவது ஆட்சியாண்டு என்று கூறுமிடத்து அமைக்கப் பெறும் . சிறப்பாக அவனுடைய  போர் வெற்றிகளையும் வரலாற்றையும் முறையாகக் கூறி , அவன் தன் தேவியோடு வீற்றிருந்து நீடு வாழ்க  எனக் கூறி ,  பிறகே சாசனம் எழுந்த நிகழ்ச்சியைக் குறிப்பிடும் .
  
    சோழ மன்னர் பரம்பரையில் மெய்க்கீர்த்தியோடு சாதனங்களைப்  பொறிக்கும் வழக்கம்   நெடுநாள் இருந்ததில்லை .  முதல் இராசராசனுடைய  எட்டாம் ஆண்டில் தான் மெய்க்கீர்த்தி காணப்படுகிறது . இதன்கண் வம்ச பாரம்பரியம் விதந்து ஓதப்படவில்லை . ஏனையை பகுதியில்  உள்ளன . எனினும்  இது மிகவும் சுருக்கமாகவே உள்ளது . இன்னும் பின்வந்த மெய்க்கீர்த்திகளின் வமிச பரம்பரையை மிகவும் விரித்துக் கூறியுள்ளன .

விடை :
         பேரரசனது  மெய்ப்புகழை எடுத்துக் கூறுவது மெய்கீர்த்தி . இது சோழ மன்னருடைய சாசனங்களில் அரசனுடைய ஆட்சியாண்டு ,  போர் வெற்றிகளையும்  வரலாற்றையும் கூறி ,  தன் தேவியோடு நீடு வாழ்க என குறிப்பிடும் . முதல் இராசராசனுடைய  எட்டாம் ஆண்டில் தான் மெய்க்கீர்த்தி காணப்படுகிறது . இதன்கண் வமிச பாரம்பரியம்  விதந்து ஓதாமல்  சுருக்கமாக உள்ளது . பின்வந்த  மெய்க்கீர்த்திகள்  வம்ச பரம்பரையை  விரித்துக் கூறியுள்ளன .